A adega Mar de Envero álzase con dúas medallas na Catavinum World Wine & Spirit Competition 2013
11/01/2013
Estamos de noraboa na adega: os nosos dous albariños, Mar de Envero e Troupe, acaban de conseguir senllas Medallas de Prata na Catavinum World Wine & Spirit Competition 2013.
Con estas Medallas de Prata, a Catavinum World Wine & Spirit Competition premia aos viños intensos e complexos en aromas, con corpo medio-alto, ben equilibrados e con boa persistencia final.
O concurso CWWSC, organizado e desenvolvido por Catavinum en Vitoria-Gasteiz, ten entre os seus principais obxectivos o de informar a consumidores e profesionais internacionais sobre a calidade dos viños e licores premiados, co fin de contribuír á súa difusión e, ademais, potenciar a produción e elaboración de produtos de calidade.